La conservaziun dl patrimone architetonich é de gran importanza por le teritore y por les generaziuns che vëgn dô y la Fondaziun Cassa de Sparagn da Balsan ó chiló dé so contribut por ademplí chësc compit. I frabicac storics é testimoni dl tëmp passé, ai trasmët la storia y ti dá n’identité particolara a nostes cités y a nüsc paisc. Momumënc d’architetöra é de gran importanza por la costruziun de na identité y é punc d’orientamënt fondamentai. Le raport cun chëstes strotöres, süa storia y la converjiun di frabicac vedli ampliëia la cualité de vita. La Fondaziun Cassa dl Sparagn é capazia da avëi fat süa pert por ti dé indô vita a chësc bëgn cultural tan important dl Waaghaus tl zënter de Balsan.
I oress rengrazié en manira particolara l’avocat Gerhard Brandstätter, che sciöche presidënt dla fondaziun á stlüt jö tl 2009 le contrat de cumpra cun le Comun de Balsan, le presidënt da denant Karl Pichler, che á fat le conzet y Dr. Klaus Widmann sciöche presidënt dl’assoziaziun Waaghaus che á coordiné la ciasa dal punt de odüda di contignüs culturai. Implü oressi ince rengrazié l’architet Wolfgang Piller che á fat i laurs de restrotoraziun y düc i artejans che á daidé para. La ciasa é na vitrina de ezelënza dl artejanat südtirolesc te dötes sües formes!
La Fondaziun Cassa dl Sparagn, de chëra che la ciasa é de proprieté, é dër contënta sce le Waaghaus deventará n punt prinzipal de incuntada de rapresentantes y rapresentanc dl monn dla cultura y insciö n punt de referimënt cultural por döta l’Euregio. Chësta ciasa, te chëra che dötes les zitadines y düc i zitadins é bëgnodüs, dess ester na proprieté de comunanza de dötes y düc.
Prof. Konrad Bergmeister
Presidënt dla Fondaziun Cassa dl Sparagn de Balsan