La conservaziun dl patrimone architetonich \u00e9 de gran importanza por le teritore y por les generaziuns che v\u00ebgn d\u00f4 y la Fondaziun Cassa de Sparagn da Balsan \u00f3 chil\u00f3 d\u00e9 so contribut por adempl\u00ed ch\u00ebsc compit. I frabicac storics \u00e9 testimoni dl t\u00ebmp pass\u00e9, ai trasm\u00ebt la storia y ti d\u00e1 n\u2019identit\u00e9 particolara a nostes cit\u00e9s y a n\u00fcsc paisc. Momum\u00ebnc d\u2019architet\u00f6ra \u00e9 de gran importanza por la costruziun de na identit\u00e9 y \u00e9 punc d\u2019orientam\u00ebnt fondamentai. Le raport cun ch\u00ebstes strot\u00f6res, s\u00fca storia y la converjiun di frabicac vedli ampli\u00ebia la cualit\u00e9 de vita. La Fondaziun Cassa dl Sparagn \u00e9 capazia da av\u00ebi fat s\u00fca pert por ti d\u00e9 ind\u00f4 vita a ch\u00ebsc b\u00ebgn cultural tan important dl Waaghaus tl z\u00ebnter de Balsan. <\/p>\n\n\n\n
I oress rengrazi\u00e9 en manira particolara l\u2019avocat Gerhard Brandst\u00e4tter, che sci\u00f6che presid\u00ebnt dla fondaziun \u00e1 stl\u00fct j\u00f6 tl 2009 le contrat de cumpra cun le Comun de Balsan, le presid\u00ebnt da denant Karl Pichler, che \u00e1 fat le conzet y Dr. Klaus Widmann sci\u00f6che presid\u00ebnt dl\u2019assoziaziun Waaghaus che \u00e1 coordin\u00e9 la ciasa dal punt de od\u00fcda di contign\u00fcs culturai. Impl\u00fc oressi ince rengrazi\u00e9 l\u2019architet Wolfgang Piller che \u00e1 fat i laurs de restrotoraziun y d\u00fcc i artejans che \u00e1 daid\u00e9 para. La ciasa \u00e9 na vitrina de ezel\u00ebnza dl artejanat s\u00fcdtirolesc te d\u00f6tes s\u00fces formes!<\/p>\n\n\n\n
La Fondaziun Cassa dl Sparagn, de ch\u00ebra che la ciasa \u00e9 de propriet\u00e9, \u00e9 d\u00ebr cont\u00ebnta sce le Waaghaus deventar\u00e1 n punt prinzipal de incuntada de rapresentantes y rapresentanc dl monn dla cultura y insci\u00f6 n punt de referim\u00ebnt cultural por d\u00f6ta l\u2019Euregio. Ch\u00ebsta ciasa, te ch\u00ebra che d\u00f6tes les zitadines y d\u00fcc i zitadins \u00e9 b\u00ebgnod\u00fcs, dess ester na propriet\u00e9 de comunanza de d\u00f6tes y d\u00fcc.<\/p>\n\n\n\n
Prof. Konrad Bergmeister
Presid\u00ebnt dla Fondaziun Cassa dl Sparagn de Balsan\u00a0<\/p>\n\n\n\n